Innuttaasut ikinnerulissapput utoqqaanerulerlutillu

Ukiut tulliuttut qulit ingerlanerini innuttaasut amerlassusaat 2,6 procentinik ikilisinnaapput, ullumikkut innuttaasut 55.877-iusut 2028-mi 54.400-inngorsinnaallutik. Innuttaasut 65-it sinnerlugit ukiullit amerlanerulissapput 2030-kkullu ingerlanerini 65-it sinnerlugit ukiullit amerliartornerulissallutik, 1960-ikkunni inunngorsimasorpassuit sulisinnaassusilittut ukioqarunnaarsimassapput. 45-nit 54-inut ukiullit ullumikkornit 30 procentit missaannik ikinnerussapput.

 

Ukiut 30-t tulliuttut ingerlanerini innuttaasut 15 procentit missaannik ikilisinnaapput, maanna Kalaallit Nunaanni inuit 55.877-iusut 2048-mi 48.100-inut ikilisinnaapput.

 

Ukiut qulit 15-illu matuma siornarnit arnat meeqqiorsinnaasut ikinnerulissammata ukiuni tulliuttuni amerlasuuni ikinnerusunik meeqqiortoqarnissaa naatsorsuutigineqarpoq. Ukiumullu toqusut amerlanerusarnissaat ilimagineqarmat inunngortartut toqusunit ikinnerunissaat naatsorsuutigineqarpoq.

 

65-it sinnerlugit ukiullit amerlinissaat ilimagineqaraluartoq 65-it sinnerlugit ukiullit ukioqqortusinerullutik toqusartut amerlinissaat ilimagineqarmat, qanoq amerlatigilernissaat nalorninarpoq. Taamaattumik 65-it sinnerlugit ukiullit maannamut toqusartut ukiui aamma malillugit naatsorsuisoqarpoq. Inuit utoqqaanerulerlutik toqusarnissaat naatsorsuutigalugu misissuinermi naatsorsuineq malillugu ukiut qulit qaangiuppata Kalaallit Nunaanni inuit 65-it sinnerlugit ukiullit 6.950-it najugaqassapput, toqusut ukiui allanngunngippata 65-it sinnerlugit ukiullit 6.221-iussapput.

 

Titartagaq 1. 1996-imiit 2050-imut innuttaasut amerlassusissaat

Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/benp18).

 

Inunngortartut amerlanerunerat (inunngortut toqusunik ilanngarlugit) naatsorsuiffiup nalaani ikilissapput.

 

Ukiut kingulliit qulit ingerlanerini Kalaallit Nunaannut aamma Kalaallit Nunaannit nuuttartut assigalugit taamaaginnassappata, tassa ukiumut 400-it missaat Kalaallit Nunaannit nuuttaannassappata innuttaasut ikilissapput. Nuuttartut inunngortartut amerlanerunerannik ilanngaraanni inuit Kalaallit Nunaanni najugaqartut ikilisussaassapput.

 

Inuit ikilissanngippata inuit nuuttartut inunngortartut amerlanerunerannit ikinnerussapput.

 

Pingaarnertut naatsorsuutit nuuttartut amerlassusaannut malussarissusaat takutinniarlugu, nuuttarnertut amerlassusissaat siunissaq ungasinnerusoq eqqarsaatigalugu ikilillugit naatsorsuisoqarpoq.

Sivisuumik nuuttartut ilimananngikkaluartumik affaannanngornissaat ilimagalugu naatsorsorneqarluni. Nuuttartut katinnerini ukiut qulit ingerlanerini ukiumut 215-iinnaasarnissaat naatsorsuinermi tunngavigineqarpoq.

 

Naatsorsuutit pingaarnerit saniatigullu naatsorsuinerit allat marluk titartakkami 1-imi takutinneqarput.

 

Takussutissiaq 1. 1998-imiit 2048-mut innuttaasut ukiuinut agguaataarneri, ukiut aalajangersimasut malillugit

 

1998

2008

2018

2028

2038

2048

Katillugit

56.072

56.457

55.877

54.426

51.288

48.083

0-2 Meeraaqqeriviit

3.115

2.488

2.482

2.254

1.912

1.823

3-5 Meeqqeriviit

3.305

2.578

2.300

2.303

1.910

1.794

6-8 Meeqqat atuarfianni nukarliit

3.306

2.564

2.368

2.334

1.954

1.767

9-12 Meeqqat atuarfianni akulliit

3.953

3.783

3.066

3.040

2.710

2.325

13-15 Meeqqat atuarfianni angajulliit

2.584

3.003

2.322

2.128

2.110

1.753

16-17 Inuusuttuaqqat 18-it inorlugit ukiullit

1.514

1.835

1.294

1.224

1.232

1.025

18-24 Inuusuttuaqqat 18-it sinnerlugit ukiullit

4.572

5.930

5.829

4.652

4.551

4.076

25-34 Inersimasut, suliffillit

10.909

7.032

8.768

7.706

6.492

6.438

35-44 Inersimasut, suliffillit

9.817

9.840

6.572

8.362

7.146

6.127

45-54 Inersimasut, suliffillit

6.350

8.728

8.828

6.096

7.733

6.544

55-64 Inersimasut, suliffillit

4.017

5.113

7.411

7.347

5.273

6.702

65-74 Utoqqaat 1

1.991

2.594

3.237

5.056

4.979

3.792

75-79 Utoqqaat 2

360

632

829

1.061

1.874

1.437

80+    Utoqqaat 3

279

337

571

865

1.412

2.480

Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/benp18).

 

Takussutissiami 1-imi takuneqarsinnaapput Naatsorsueqqissaartarfiup naatsorsugai 2050-ip tungaanut innuttaasut amerlassusissaannut tunngasut pingaarnerit, taakku innuttaasut 1. januaarimi 2018-imi amerlassusaat tunngavigalugit suliarineqarput. Inuit amerlassusissaannik naatsorsuinerit inerneri naqinnernik uingasunik nalunaarsorneqarput.

 

Inuit amerlanngitsut tunngavigalugit inuit amerlassusissaannik naatsorsuinerni naatsorsuutit inerneri, inuit amerlasuut tunngavigalugit naatsorsuinernit nalinginnaasumik nalorninartoqarnerusarput. Ukiut ikinnerusut siumut isigigaanni (ukiut ataatsimiit tallimanut), siunissamik naatsorsuineerarpassuarnik ilaqanngikkaangamik eqqoriaalluarnerusarput.

 

Paasissutissat sukumiinerusut suiaassutsinut aammalu ataatsimik ukioqalernermiit ukioqqortussutsinut tunngasut Naatsorsueqqissaartarfiup Kisitsisaataasiviani http://bank.stat.gl/benp18- imi pissarsiarineqarsinnaapput.